काठमाडौं- नेपाली कांग्रेसको आधिकारिकतासम्बन्धी विवादमा नयाँ ट्विस्ट भएको छ। सर्वोच्च अदालतले बिहीबार कांग्रेसको आधिकारिकतासम्बन्धी विवादबारेको मुद्दामा सुरूदेखि नै सुनुवाइ गर्न आदेश दिएको हो ।

प्रधान्यायाधीश डा. श्री मनोजकुमार शर्मा तथा न्यायाधीशहरू नित्यानन्द पाण्डेय र श्रीकान्त पौडेलको पूर्ण इजलासले बिहीबार यस्तो आदेश जारी गरेको हो । यससँगै कांग्रेसको मुद्दामा सर्वोच्चबाट पुनरावलोकन अनुमति पनि मिलेको छ।

सर्वोच्चले यसअघि गगन थापा समूहलाई आधिकारिकता दिने गरी गरेको फैसलासम्बन्धी मुद्दाको अब सुरूदेखि नै सुनुवाइ हुने भएको छ।

२०८२ पुस अन्तिममा भएको दोस्रो विशेष महाधिवेशनबाट सभापतिमा निर्वाचित गगन थापा नेतृत्वको कार्यसमितिलाई आधिकारिकता दिने निर्वाचन आयोगको निर्णयलाई सदर गर्ने आफ्नै फैसला अब सर्वोच्चले पुनरवलोकन लाने भएको हो । तत्कालीन सभापति देउवाले गगनलाई आधिकारिकता दिने निर्णसम्बन्धी मुद्दाको पुनरावलोकन मागसहित निवेदन दिएका थिए।

सर्वोच्चको आदेशसँगै सभापति थापाले पाएको आधिकारिकताबारे फेरि सुनुवाइको बाटो खुलेको छ । तत्कालीन सभापति देउवा अहिले हङकङमा छन् । उनी साउन २९ गते नेपाल फर्किने बताइएको छ। यता संस्थापन इतरले छुट्टै राष्ट्रिय भेलाको तयारी गरेका बेला देउवाको निवेदनमा सर्वोच्चले निस्सा दिएको हो ।