काठमाडौं – उच्च अदालत पाटनले फिल्म ‘लालीबजार’बारे गरेको निर्णयको सक्कल कपी उपलब्ध गराउन सेन्सर बोर्डलाई आदेश दिएको छ ।
न्यायाधीशहरू गीताप्रसाद तिम्सिना र दीपक खनालको संयुक्त इजलासले निर्णयको सक्कल कपी बुधबार अदालतमा बुझाउन आदेश दिएको हो ।
यस इजालसले फिल्म प्रदर्शनको रोक्का गर्ने वैशाख १५ मा दिएको अल्पकालीन अन्तिरिम आदेशलाई पनि निरन्तरता दिएको छ ।
रोशनी वादीले फिल्मा आपत्ति जनाउनै रिट निवेदन दर्ता गरेकी थिइन् । फिल्मले वादी समुदायको चत्रिरमा प्रश्न उठाउने दाबी उनको छ ।
अदालतको आदेशले वैशाख १८ गते प्रदर्शन मिति तोकिएको फिल्म हलमा लाग्न पाएको छैन ।
नायिका स्वस्तिमा खड्का शीर्ष भूमिकामा रहेको यस फिल्मको लेखक र निर्देशक यम थापा हुन् ।
प्रतिक्रिया