काठमाडौं- साताको पहिलो दिन आइतबार कारोबार सुरू भएको साढे २ घण्टामा सेयर बजार १०० अंकभन्दा धेरैले बजार घटेको छ।

आइतबार कारोबार सुरू भएको अढाई घण्टामै सेयर बजार १०१ अंकले घटेर २६८०.२७ बिन्दुमा ओर्लिएको छ।

दिउँसो १.३२ बजेसम्म सेयर बजारमा ८ अर्ब १२ करोड ११ लाख ५७ हजार रुपैयाँ बराबरको कारोबार भएको छ ।

कारोबारमा आएका १३ वटै उपसमूह ओरालोतिर छन्। २६१ कम्पनीको सेयर मूल्य घट्दा ७ कम्पनीको मात्रै सेयर मूल्य बढेको छ ।

अहिले दिउँसो २ बज्दा बजार केही सम्हालिएको छ। ताजा अवस्थामा सेयर कारोबार ८१ अंकले ओरालो झरेको छ। बालेन्द्र शाह नेतृत्वको सरकारले सम्पत्ति शुद्धीकरणसहितका मुद्दामा धमाधम कारबाही थालेपछि बजारमा तनाव देखिएको हो ।