काठमाडौं– नेपाल आयुर्वेद चिकित्सक संघमा डा. शंकर गौतमको अध्यक्षतामा नयाँ कार्यसमिति निर्वाचित भएको छ । 

२० र २१ चैतमा काठमाडौंमा सम्पन्न संघको ११ राष्ट्रिय सम्मेलनबाट डा. गौतमको अध्यक्षतामा २५ सदस्सीय नयाँ कार्यसमिति निर्वाचित भएको छ । सम्मेलनले वरिष्ठ उपाध्यषमा डा. रमेश पौडेल, महिला उपाध्यक्षमा डा. सिर्जना श्रेष्ठलाई निर्वाचित गरेको छ । 

यस्तै, शक्तिशाली मानिने महासचिव पदमा डा. ऋषिकेशव भुसाल, सचिवमा डा. दिपक मण्डल, कोषाध्यक्षमा डा. सिजन कोजु निर्वाचित भएका हुन् ।

प्रादेशिक उपाध्यक्षमा कोशीमा डा. विजयकुमार सिंह, मधेसमा डा. शिवनारायण गुप्ता, बागमतीमा डा. देवेन्द्रकुमार यादव, गण्डकी डा. नगेन्द्र लामिछाने, लुम्बिनीमा डा. कैलाश न्यौपाने, कर्णालीमा डा. सुदर्शन पोखरेल र सुदूरपश्चिममा डा. हिमाल भट्ट निर्वाचित भए । 

सदस्यहरूमा डा. सदिक्षा पन्त, डा. प्रशान्त श्रेष्ठ, डा. सरोजराय यादव, डा.नवराज जोशी, डा.सन्तोष खनाल, डा. राजन ज्ञवाली, डा. योगेश ढकाल, डा. सुजित कर्ण, डा. प्रज्ञा पौडेल र डा. केशव न्यौपाने विजयी भए । कोशी गण्डकी र लुम्बिनी प्रदेशका उपाध्यक्ष र केही सदस्यहरु निर्विरोध भएका थिए भने अन्य सबै पदाधिकारी र सदस्यहरूमा निर्वाचन भएको थियो ।