काठमाडौं – नेपालमा प्रतिनिधिसभा निर्वाचन शान्तिपूर्ण रूपमा सम्पन्न भएको भन्दै संयुक्त राज्य अमेरिका ले बधाई दिएको छ । अमेरिकी दूतावास नेपालले बिहीबार सम्पन्न निर्वाचनका लागि नेपाली जनता र सम्बन्धित निकायलाई बधाई दिँदै लोकतान्त्रिक अभ्यास सफलतापूर्वक सम्पन्न भएको उल्लेख गरेको हो ।

दूतावासले आगामी सरकारसँग दुवै देशको समृद्धि र सुरक्षासम्बन्धी साझा लक्ष्यहरूमा सहकार्य गर्न उत्सुक रहेको पनि जनाएको छ।

अमेरिकाले नेपालमा लोकतान्त्रिक अभ्यासलाई निरन्तर समर्थन गर्दै आएको बताउँदै नयाँ सरकारसँग विभिन्न साझा प्राथमिकतामा सहकार्य अघि बढाउने संकेत गरेको छ ।

नेपालमा एमसीसी परियोजना कार्यान्वयन गराइरहेको अमेरिकाले पछिल्लो समय सुरक्षासम्बन्धी एसपीपी पनि अघि बढाउनु पर्ने बताइरहेको छ। सैन्य गठबन्धनसम्बन्धी एसपीपीमा जान नेपाल तयार भएको छैन । तर अमेरिकाले यसलाई लिएर नेपालसँग पटकपटक संवाद गरिसकेको छ ।