काठमाडौं- संयुक्त अरब इमिरेट्स (यूएई) को रक्षा मन्त्रालयले देशको भूभागभित्र एउटा मिसाइल र ६ वटा ड्रोन खसेको पुष्टि गरेको छ ।
पछिल्लो समय अमेरिका र इजरायलले कारवाही गरेपछि इरानले खाडी क्षेत्रमा रहेका देशविरुद्ध क्षेप्यास्त्र र ड्रोन हमला गरिरहेको छ ।
यसअघि अबु धाबीको मिडिया कार्यालयले दिएको जानकारी अनुसार, रक्षा प्रणालीले ती ड्रोनहरूलाई आकाशमै सफलतापूर्वक विफल तुल्याएको थियो ।
यद्यपि, ती ड्रोनका टुक्राहरू भुईँमा खस्दा अबु धाबीमा छ जना घाइते भएका छन् । हवाई प्रतिरक्षा प्रणालीले खतरालाई निष्क्रिय पारे पनि त्यसबाट निस्किएको अवशेषले क्षति पुर्याएको अधिकारीहरूले जनाएका छन् ।
प्रतिक्रिया