काठमाडौं– लामो समयदेखि बस्ती स्थानान्तरणको माग राख्दै आएका दाङको दुई वटा मतदान केन्द्रमा मतदान गर्ने मतदाताहरूले यसपटकको निर्वाचन बहिष्कार गरेका छन् । 

दाङ जिल्लाकी सहायक प्रमुख जिल्ला अधिकारी साबित्रा पुनले दिउँसो २ : ५० बजेसम्म पनि मध्यवर्ती बबई गाउँपालिकामा वडा नम्बर ७ को देउती मावि मलई मतदान केन्द्र र सोही पालिकाको वडा नम्बर १ को जनता मावि जिला मतदान केन्द्रमा मतदाता मतदान गर्न आएका छैनन् ।

पुनका अनुसार सो क्षेत्रका मतदाता मतदान गर्न नआएपनि उनीहरूले मतदान केन्द्रमा खटिएका कर्मचारीलाई पनि कुनै अवरोध गरेका छैनन् । 

बाँके राष्ट्रिय निकुञ्जको जंगली जनावरबाट पीडित बन्दै गएपछि त्यहाँका स्थानीय बासिन्दाले लामो समयदेखि आफूहरूको बस्ती स्थानान्तरणको माग गर्दै आएका थिए । 

तर, सरकार र राजनीतिक कुरा नसुनेपछि उनीहरूले यसपटकको निर्वाचन बहिष्कार गरेका हुन् ।