काठमाडौं – कलाकार जितु नेपालले मतदान गरेपछि यो चुनावबाट सरकारमा पुग्नेहरूलाई लक्षित गरी चार कुरा राखेका छन् ।

छोरी, पत्नी र आफूले मतदान गरेको तस्बिर सेयर गर्दै जितुले आफ्ना चार कुरा राखेका हुन् ।

उनले पहिलो बुँदामा आवधिक निर्वाचनको विषय समेटेका छन् । बीच–बीचमा चुनाव हुने अवस्थाले नेताहरूको काम भोट मागिरहने र जनताको काम भोट हालिरहने भन्दै उनले राजनीतिक अस्थिरतालाई व्यङ्ग्य गरेका छन् ।

उनले मुलुकमा आवधिक निर्वाचन हुनुपर्ने आशय व्यक्ति गरेका छन् ।

अब बन्ने सरकारले इलेक्ट्रिोनिक प्रणालीबाट मतदान गराएर एकै दिनमा नतिजा सार्वजनिक गरोस् भन्ने अपेक्षा उनले राखेका छन् । इलेक्ट्रोनिक मतदानको प्रविधि विकास गर्दा स्वदेशकै समक्ष इन्जिनियरले रोजगार पाउन् भन्ने उनको अपेक्षा छ ।

चुनावमा जित्ने र हार्नेलाई संयम हुन सुझाव दिएका छन् । उनले लेखेका छन्, ‘चुनाव जित्नेहरू नमात्तिउन्, र हार्नेहरू नआत्तिउन् । चुनाव लोकतान्त्रिक प्रक्रिया हो । यसलाई सबैले सहज रूपमा स्वीकार गर्नुपर्छ।’

उनले चौथो बूँदामा जेन-जीहरूले उठाएको मागहरू पूरा गर्न सचेत गराएका छन् ।

भोट हाल्नका लागि सुटिङ रोकेर आएकाले चार कुरा लेख्न मन लागेको उनले तर्क गरेका छन् ।