स्याङ्जा- मतदान अधिकृतको लापरबाहीले स्याङ्जाको एउटा मतदान केन्द्रमा मतपत्र भिजेको अवस्थामा पाइएको छ।

स्याङ्जाको रामकोश फूलबारी मावि मतदानस्थलमा भिजेको अवस्थामा मतपत्र पाइएका हुन् ।

मतपत्र नै पानीले भिजेको अवस्थामा पाइएपछि मतदाताहरूमा भोट बदर हुने चिन्ता देखिएको छ।

सदरमुकाम वालिङनजिकैको उक्त मतदानस्थलमा मतपत्र भिजेको अवस्थामा भेटिएपछि मतदाताले प्रश्न गरेका छन् ।

जिल्ला निर्वाचन कार्यालयका प्रमुख श्रीराम थापाले पनि उक्त मतदानस्थलबाटै मत हाल्छन् । थापाले चिसा मतपत्रमा मतदान भइरहहेको बताएका छन्

‘मतदान अधिकृतका केही समस्या छन्’, उनले स्थानीय अनलाइन प्रतिपत्रसँग भने, ‘हामीले दिऐको सुझाव पनि मान्नुभएको छैन् । आयोगको आदेश नै नटेर्ने अधिकृतलाई सम्झाएर निस्किएँ ।’

मतपत्र कसरी र किन भिजे भन्ने कारण खुलाइएको छैन । तर मतदान अधिकृतले गुनासो सुन्नेभन्दा बेवास्ता गरेको आरोप लागेको छ । मतदानस्थलमा पुगेका निर्वाचन कार्यालय प्रमुखले चासो देखाए पनि सुनुवाइ नभएको मतदाताले बताए ।