काठमाडौँ– प्रधान सेनापति अशोकराज सिग्देल औपचारिक भ्रमणका लागि आज बेलायत प्रस्थान गरका छन्।

बेलायती सेनाका चिफ अफ द जनरल स्टाफ सर रोली वाकरको निमन्त्रणामा प्रधान सेनापति सिग्देल साताव्यापी भ्रमणका लागि बेलायत प्रस्थान गरेको सैनिक जनसम्पर्क तथा सूचना निर्देशनालयले जनाएको छ।

उनलाई त्रिभुवन अन्तर्राष्ट्रिय विमानस्थलमा बलाधिकृत रथी प्रदीपजङ्ग केसीले बिदाइ गरेका थिए।

नेपाली सेनाका अनुसार प्रधान सेनापति सिग्देलको भ्रमणले नेपाल र बेलायतबीच सदियौँदेखि कायम रहेको आपसी सैनिक सम्बन्धलाई थप सुदृढ बनाउने अपेक्षा गरिएको छ। साथै, सैनिक कूटनीतिको माध्यमबाट नेपालको परराष्ट्र नीतिमा समेत योगदान पुग्ने विश्वास सेनाले लिएको छ।

प्रधान सेनापति सिग्देलको अनुपस्थितिमा बलाधिकृत रथी प्रदीपजङ्ग केसीले कायममुकायम प्रधान सेनापतिको कार्यभार सम्हाल्नेछन्।