काठमाडौं– पाँचथरबाट प्रतिनिधिसभामा निर्वाचित नेपाली कांग्रेसका सांसद नरेन्द्रकुमार केरुङले पार्टीको १५औँ महाधिवेशनमा भूगोलतर्फबाट केन्द्रीय सदस्यमा उम्मेदवारी दिने भएका छन् ।

केरुङले कोशी प्रदेशको भूगोलबाट केन्द्रीय सदस्यमा उम्मेदवारी दिने जानकारी दिएका छन् । उनी कांग्रेसभित्र महामन्त्री गगन थापा पक्षधर नेताका रूपमा चिनिन्छन् । प्रतिनिधिसभामा नियमितजसो उपस्थित हुँदै आएका केरुङ यसअघि विशेष महाधिवेशनबाट केन्द्रीय सदस्य निर्वाचित भएका थिए ।

केरुङ पाँचथर कांग्रेसको सभापति दुई कार्यकाल सम्हालिसकेका नेता हुन् । यसपटक उनले भूगोलतर्फबाट केन्द्रीय सदस्यमा उम्मेदवारी दिने तयारी गरेका हुन् ।

पाँचथरबाटै कांग्रेस नेता भीष्मराज आङ्देम्बेले पनि केन्द्रीय सदस्यमा उम्मेदवारी दिने तयारी गरेका छन् । आङ्देम्बेले भने खुलातर्फबाट केन्द्रीय सदस्यमा उम्मेदवारी दिने तयारी गरेको बताइएको छ ।

आङ्देम्बेले उपसभापति पदमा समेत दाबी प्रस्तुत गरेको चर्चा भए पनि संसदीय दलका नेताका रूपमा उनको भूमिका रहेकाले केन्द्रीय सदस्यमै उम्मेदवारी दिने सम्भावना बढी रहेको कांग्रेस नेताहरू बताउँछन् ।