काठमाडौं– नेपाली कांग्रेसको विधानमा अहिले दुईजना महामन्त्री बन्ने अवस्था तोकिएको छ । 

अब एक महामन्त्री थपेर महिला अनिवार्य हुनुपर्ने आवश्यक रुपमा उठिरहेको छ । केन्द्रीय समिति बैठकमा पनि अहिले नेताहरूले एक महामन्त्री थप्नुपर्ने आवाज उठाएका छन् । 

पार्टीमा तीनजना महामन्त्री राख्नुपर्ने र एक महिला अनिवार्य गर्नुपर्ने आवाजमा धेरै शीर्षदेखि तल्लो तहका नेतासम्म खुलेको बताइन्छ। यस्तै नेपाली काङ्ग्रेसले यो पटक एक वरिष्ठ उपसभापति पद पनि थप्न लागेको छ । 

वरिष्ठ उपसभापति सहित अर्को एक उपसभापति थपेर चार उपसभापति बनाउन लागिएको हो। यस्तै दुईजना सहममन्त्री पनि थपिने प्रस्तावलाई सर्वसम्मति ढङ्गले बन्द सत्रबाट पारित गर्न लागिएको हो । 

महिला महामन्त्री थप्ने विषयमा भने छलफल जारी रहेको नेताहरूको भनाइ छ ।