काठमाडौं – इर्लिङ हालान्डको निर्णायक गोलमा म्यानचेस्टर सिटीले कोभेन्ट्री सिटीलाई १–० ले पराजित गर्दै प्रिमियर लिगमा लगातार तेस्रो जित हात पारेको छ। जितसँगै सिटीले शीर्ष स्थानमा आफ्नो पकड कायमै राखेको छ ।

टोटेनह्याम हटस्परले भने नटिङ्घम फरेस्टसँग गोलरहित बराबरी खेल्दै सिजनको पहिलो अंक जोडेको छ। टोटेनह्यामले लगातार तेस्रो लिग खेलमा गोल गर्न सकेन ।

यता न्युक्यासल युनाइटेडले दुई गोलले पछि परेको अवस्था उल्टाउँदै बोर्नमाउथसँग २–२ को बराबरी खेलेको छ। ज्याकोब राम्सीले खेलको अन्त्यतिर गोल गर्दै न्युक्यासललाई एक अंक दिलाए ।

क्रिस्टल प्यालेसले उत्कृष्ट पुनरागमन गर्दै फुलहमलाई ३–२ ले हरायो । दुईपटक पछि परेको प्यालेसले अन्ततः सिजनको पहिलो जित निकाल्न सफल भयो ।

अन्य खेलमा ब्राइटन र लिड्स युनाइटेडले १–१ तथा ब्रेन्टफोर्ड र सन्डरल्यान्डले पनि १–१ को बराबरी खेले ।