काठमाडौं- नेकपा एमालेका अध्यक्ष केपी शर्मा ओलीले कोशी प्रदेशका पदाधिकारीसहित मुख्यमन्त्री हिक्मत कार्कीसँग छलफल गरिरहेका छन्।
छलफलमा कोशी प्रदेशका इन्चार्ज शेरधन राई अध्यक्ष घनश्याम खतिवडा, सचिव राजकुमार भण्डारी पनि सहभागी छन् । त्यहाँ मुख्यमन्त्री हिक्मतकुमार कार्की लगायत अन्य नेता पनि छन् ।
कोशी प्रदेशमा मुख्यमन्त्री कार्कीले राजीनामा दिनुपर्ने विषयमा ओली र शेरधनले चर्को दबाब दिइरहँदा कार्की भने टसमस भएका छैनन्। त्यसैका लागि निर्णायक छलफल गर्न ओलीले कार्कीसहित कोशीको टिमलाई बोलाएको हो ।
कार्कीसँग मंगलबार ओलीले एक्ला उक्लै वार्ता पनि गरेका थिए । बुधबार पनि कोशी प्रदेशका पदाधिकारीसँगको छलफलपछि वार्ता हुन सक्ने बताइएको छ।
प्रतिक्रिया