काठमाडौं – टी–२० विश्वकपको पहिलो सेमिफाइनल खेलमा दक्षिण अफ्रिकाले न्युजिल्यान्डलाई १७० रनको लक्ष्य दिएको छ ।

खेल भारतको कोलकातास्थित ईडन गार्डेन्स मैदानमा भइरहेको छ। न्युजिल्यान्डका कप्तान मिचेल स्यान्टनरले टस जितेर पहिले बलिङ रोजेका थिए।

दक्षिण अफ्रिकाले २० ओभरमा ८ विकेट गुमाएर १६९ रन बनाएको हो । मार्को यानसन ३० बलमा नटआउट ५५ रन बनाएर टोलीलाई सम्मानजनक स्कोरमा पुर्याएका थिए । उनले ट्रिस्टन स्टब्ससँग छैठौं विकेटका लागि ४८ बलमा ७३ रनको साझेदारी गरे ।

यस साझेदारीले दक्षिण अफ्रिकालाई १५० रन पारमा पुर्‍याएको थियो । खेलको एक समय टोली ७७ रनमा ५ विकेट गुमाएर दबाबमा परेको थियो।

न्युजिल्यान्डको बलिङतर्फ म्याट हेनरी, कोल म्याककोन्ची र रचिन रविन्द्र ले समान रूपमा २–२ विकेट लिएर साउथ अफ्रिकालाई रोक्ने प्रयास गरे ।