काठमाडौं – काठमाडौं महानगरपालिकाका मेयर बालेन्द्र साहसँगै २६ जना केन्द्रीय सदस्य राष्ट्रिय स्वतन्त्र पार्टीमा थपिएका छन्। आज बसेको केन्द्रीय समिति बैठकले यो निर्णयलाई अनुमोदन गरेपछि नेताहरूले आइतबार साँझ नै शपथ खाएका हुन्।

राष्ट्रिय स्वतन्त्र पार्टीले दिएको जानकारी अनुसार बालेनसँगै उनका सचिवालय सदस्य भूपदेव शाह, सस्मित पोखरेल , अभियन्ता खगेन्द्र सुनार,सागर ढकालहरु केन्द्रीय सदस्य बनेका छन् ।

यस्तै जेनजी प्रदीप ज्ञवाली, केपी खनाल, लक्ष्मण थारु रमेश पौडेल, गणेश पौडेल, सन्तोष गिरी, डाक्टर नमिता यादव, सरिता ज्ञवाली, सुशान्त वैद्य, लक्ष्मी बर्देवा, रोहन कार्की, शिव यादव, खेमराज साउद, प्रदीप पाण्डे, आदित्य आचार्य, ओजस्वी थापा, मधुसुन्दर ढकाल, जेम्स कार्की, राजकुमार ढुङ्गाना, अनन्तराज घिमिरे, रोहन कार्की र शिव यादव पनि रास्वपाको केन्द्रीय सदस्य बनेका छन् ।

स्रोतले दिएको जानकारी अनुसार आज बसेको केन्द्रीय समिति बैठकले बालेन पक्षका नेताहरूलाई मात्र केन्द्रीय समितिमा अनुमोदन गरेको हो। ती नेताका अनुसार कुलमान घिसिङ पक्षसँग भोलि या पर्सि वार्ता गरेर उनीहरु सहितका नेतालाई पनि केन्द्रीय समिति र पदाधिकारीमा समावेश गरिनेछ।