काठमाडौं– काठमाडौं महानगरपालिकाले दृष्टिविहीन महिला राष्ट्रिय क्रिकेट टोलीलाई नगदसहित सम्मान गरेको छ।
आइतबार आयोजित कार्यक्रममा महानगरले दृष्टिविहीन महिला विश्वकप क्रिकेटमा उपविजेता बनेका खेलाडीलाई जनही १ लाख रुपैयाँ र टोलीका अन्य सदस्यलाई ५० हजार रुपैयाँका दरले नगदसहित सम्मान गरेको हो।
कार्यक्रममा काठमाडौं महानगरपालिकाका प्रमुख बालेन शाहले खेलाडी तथा अन्य सदस्यलाई सम्मान प्रदान गरेका थिए ।
समारोहमा महानगरले दृष्टिविहीन क्रिकेट संघलाई कुल १८ लाख ५० हजार रुपैयाँ हस्तान्तरण गरेको थियो। काठमाडौं महानगरले दृष्टिविहीन महिला टोलीलाई सदैव साथ दिने र आवश्यक सहजीकरण उपलब्ध गराउने प्रतिबद्धता व्यक्त गरेको छ।
प्रतिक्रिया