काठमाडौं । सुनसरीस्थित देवानगञ्ज गाउँपालिका–३, कप्तानगञ्जमा भएको घटनामा घाइते भएर उपचारका क्रममा मंगलबार निधन भएका रवीन्द्र मेहताका आफन्तसँग गृहमन्त्री सुधन गुरुङले छलफल गरेका छन् । त्रिवि शिक्षण अस्पतालमा पुगेर उनले मेहताका आफन्तसँग छलफल गरेका हुन् ।
आजको छलफलमा कुनै ठोस सहमति भएको छैन । भोलि बुधबार फेरि गृहमन्त्री र मेहताका आफन्तबीच छलफल हुने बताइएको छ ।
परिवारले गृहमन्त्री आएर छलफल नगरी शव नबुझ्ने बताएपछि गृहमन्त्री आफैँ अस्पताल पुगेका थिए । छलफलपछि आफन्तहरू शव परीक्षणका लागि तयार भएका छन् । अब मृतकका बुवा आमा आएपछि पुनः छलफल गर्ने गरी आजको छलफल सकिएको छ ।
मेहताको शव अहिले पनि अस्पतालमै छ ।
प्रतिक्रिया