काठमाडौँ – परराष्ट्र मन्त्रालय, कन्सुलर सेवा विभागले कागजातको कन्सुलर प्रमाणीकरण प्रक्रियालाई प्रविधिमैत्री र पारदर्शी बनाउन “नेपाल ई-प्रमाणीकरण प्रणाली (NEATS)” कार्यान्वयनमा ल्याउने भएको छ।

नेपालका सरकारी निकायबाट जारी वा प्रमाणित भएका शैक्षिक प्रमाणपत्र, सिफारिस पत्र र आधारभूत कागजातको प्रमाणीकरणका लागि अनलाइन आवेदन दिने कार्यलाई सहज, व्यवस्थित र प्रभावकारी बनाउने उद्देश्यले यो प्रणाली विकसित गरिएको विभागले जनाएको छ।

उक्त नयाँ प्रणालीको शुभारम्भ परराष्ट्रमन्त्रीबाट साउन २९ गते, बिहीबार दिउँसो ३ बजे हुने कार्यक्रम रहेको छ। कार्यक्रम सिंहदरबारस्थित परराष्ट्र मन्त्रालयको तेस्रो तल्लामा रहेको सभाहलमा आयोजना हुँदैछ।