काठमाडौं – फिफा विश्वकप २०२६ मा अपेक्षाअनुसार प्रदर्शन गर्न नसकेपछि जर्मनीका मुख्य प्रशिक्षक जुलियन नागेल्सम्यानले पदबाट राजीनामा दिएका छन् । विश्वकप यात्राको अन्त्यसँगै उनले विज्ञप्ति जारी गर्दै टोलीबाट अलग हुने निर्णय सार्वजनिक गरेका हुन् ।

जर्मनीको विश्वकप अभियान राउन्ड अफ ३२ मै टुंगिएको थियो । पाराग्वेसँग पेनाल्टी सुटआउटमा पराजित भएपछि चार पटकको विश्व च्याम्पियन जर्मनी प्रतियोगिताबाट बाहिरिएको हो ।

समूह चरणमा जर्मनीले कुरासाओलाई ७–१ को फराकिलो अन्तरले हराएको थियो भने आइभरी कोस्टलाई २–१ ले पराजित गरेको थियो। तर इक्वेडरसँग २–१ को हारले टोली समूह विजेता बन्न असफल भयो र त्यसपछि नकआउट चरणमा पाराग्वेसँगको हारले विश्वकप यात्रा समाप्त भयो ।

३८ वर्षीय नागेल्सम्यान सेप्टेम्बर २०२३ मा हान्सी फ्लिकको स्थानमा जर्मनीको मुख्य प्रशिक्षक नियुक्त भएका थिए । उनको नेतृत्वमा जर्मनीले घरेलु मैदानमा आयोजित यूईएफए यूरो २०२४ को क्वार्टरफाइनल तथा २०२५ को यूईएफए नेसन्स लिगको सेमिफाइनलसम्मको यात्रा तय गरेको थियो ।