काठमाडौं- नेपाली कांग्रेसको इतर पक्षले आगामी असार २२ गतेदेखि चुनदेवीस्थित नयाँ कार्यालयबाट छलफल र बैठक चलाउने भएको छ ।

गोल्फुटारमा भेला भएका संस्थापन इतर पक्षका नेताहरुको बैठकका क्रममा सञ्चारकर्मीसँग कुराकानी गर्दै पार्टीका पूर्वप्रचार विभाग प्रमुख मीनबहादुर विश्वकर्माले यस्तो जानकारी दिएका हुन् ।

उनले संस्थापन पक्षले एकताको प्रयास नगर्दा १५औँ महाधिवेशन एउटै हुने सम्भावना क्षीण बन्दै गएको पनि बताएका हुन् ।

शुक्रबार गोल्फुटारमा इतर समूहका नेताहरुको बैठकमा सहभागी नेता विश्वकर्माले १५औँ महाधिवेशन एउटै हुने सम्भावना क्षीण बन्दै गएको बताएका हुन् ।

उनले डिजिटल सदस्यता अद्यावधिकको विषयलाई इगोको रुपमा नलिएको बताएका छन् ।

‘हामी डिजिटल अद्यावधिक लाई इगोको रुपमा लिएको छैनौँ, गर्छौं । तर गगन थापाले महामन्त्री हुँदा टुंग्याएको सदस्य सबैको सहभागिता सुनिश्चितता हुनुपर्छ ।’ उनले भने ।