काठमाडौं- नेपाली कांग्रेसको इतर पक्षका नेता मोहनबहादुर बस्नेतले विशेष महाधिवेशन पक्षधरलाई ‘रत्नपार्कमा खराब औषधि बेच्ने चटके’ को संज्ञा दिएका छन् ।
गोल्फुटारमा बसेको इतर पक्षका नेताहरुको भेला जारी रहेका बेला सञ्चारकर्मीसँग कुराकानी गर्दै नेता बस्नेतले विशेष महाधिवेशन पक्षधरलाई चटकेको संज्ञा दिएका हुन् ।
‘उहाँहरू चटके हो, खराब औषध बिक्री गर्ने चटकेले जे जे बोल्छन् नि उहाँहरुले त्यही बोल्ने हो । नेताहरूसँग आएर एउटा गफ गर्नुहुन्छ, बाहिर गएर अर्को भन्नुहुन्छ,’ उनले भने, ‘त्यो भन्दा पनि डरलाग्दो कुरा, उहाँहरूले महिनाौँसम्म भेटेकै हुँदैन । भेटेर आएको भन्दिनुहुन्छ, लेखाइदिनुहुन्छ, प्रचार गर्दिनुहुन्छ, हल्ला गरिनुहुन्छ ।’
प्रतिक्रिया