तेहरान- अमेरिकासँग तनाव बढ्दै जाँदा इरानले कुवेतको अन्तर्राष्ट्रिय विमानस्थलमा मिसाइल र ड्रोन आक्रमण गरेको छ।
कुवेतको सेनाले बताएअनुसार कुवेत अन्तर्राष्ट्रिय विमानस्थलको एक टर्मिनलमा ड्रोन र मिसाइल हमला भएको हो ।
उक्त आक्रमणबाट विमानस्थलको भवनलाई ठूलो क्षति पुगेको छ । मिसाइल र ड्रोन आक्रमणपछि धेरै मानिस घाइते भएका छन्।
कुवेत न्यूज एजेन्सीका अनुसार घाइतेहरूको उपचार विभिन्न अस्पतालमा भइरहेको छ। तर समाचार एजेन्सीले घाइतेहरूको एकिन संख्या भने खुलाएको छैन ।
जनरल सिभिल एभिएशन अथोरिटीले बताएअनुसार आक्रमणपछि एयरपोर्टमा उडानहरू रोकिएका छन् । अर्को सूचना नआउँदासम्म उडानहरूलाई अन्य एयरपोर्टमा डाइभर्ट गरिएको अथोरिटीले जनाएको छ।
प्रतिक्रिया