काठमाडौं – नायक विपिन कार्की र नायिका केकी अधिकारी शीर्ष भूमिकामा रहेको फिल्म ‘काजी’मा समावेश गीत ‘वारी वर पारी पिपलु’ सार्वजनिक भएको छ । 

निर्माण पक्षले राजधानीमा एक कार्यक्रमको आयोजना गरी फिल्मको पहिलो गीत सार्वजनिक गरेको हो । 

यस गीतको भिडियोमा फिल्मका शीर्ष कलाकार विपिन र केकी फिचर्ड छन् । 

यो गीतले फिल्म केही दशकअघिको कथामा बनेको संकेत गर्छ । विवाहपछि पहिलो पटक केकी माइत फर्किँदा भरियालाई बोकाएर कोशेली लगेको दृश्यले फिल्मको कथा केहीअघिको कालखण्डमा बनेको संकेत गर्छ । 

भिडियोमा यी दुई नयाँ विवाहित जोडीको भूमिकामा छन् ।

निर्माण पक्षका अनुसार फिल्मको भावअनुसार नै यो गीतको भिडियो तयार पारिएको हो । 

यो गीतको कारियोग्राफर कविराज गहतराज हुन् । गीतमा गंगा सोनाम र करण परियारको स्वर रहेको छ । शब्द र संगीत कालीप्रसाद बास्कोटाको रहेको छ । 

लक्ष्मण रिलाजको निर्देशनमा बनेको यस फिल्मको प्रदर्शन मिति जेठ ८ लाई तोकिएको छ । 

यसका लेखक प्रदीप भारद्धाज हुन् ।