काठमाडौं- नाइजेरियाका लागि भारतीय उच्चायुक्त अभिषेक सिंहले द्विपक्षीय व्यापार सम्बन्धलाई थप मजबुत बनाउने प्रतिबद्धता जनाएका छन् । उनले विशेषगरी खनिज र स्टील क्षेत्रमा सहकार्य बढाउन चाहेको बताएका छन् ।

उच्चायुक्त सिंहले कदुना राज्यको कागर्को स्थानीय प्रशासन अन्तर्गत गुजनी गाउँमा रहेको अफ्रिकन नेचुरल रिसोर्सेस एण्ड माइन्स लिमिटेडको भ्रमण गरेका छन् । यो उद्योग अफ्रिकन इन्डस्ट्रिज ग्रुपको सहायक कम्पनी हो । भ्रमणका क्रममा उनले त्यहाँ कार्यरत भारतीय कर्मचारीले उद्योगको विकासमा गरेको योगदानको प्रशंसा गरे।

सिंहका अनुसार यस उद्योगले नाइजेरियामा ६०० मिलियन डलर लगानी गरेको छ । विगत पाँच दशकदेखि नाइजेरियामा सक्रिय भारतीय उद्योगपतिहरूले चलाएको यो सबैभन्दा ठूलो उद्यममध्ये एक हो । उनले अबुजा-कदुना-जारिया एक्सप्रेसवेमा अवस्थित यस उद्योगको महत्वबारे पनि चर्चा गरे।

आफ्नो भ्रमणकै क्रममा उच्चायुक्तले नाइजर राज्यको साबन-वुसेमा रहेका ‘अबुजा स्टील मिल्स’, अन्वेषण इकाई र सौर्य ऊर्जा केन्द्रहरूको पनि अवलोकन गरे । यो नाइजेरियाकै ठूला सौर्य प्लान्टमध्ये एक हो जसले स्टील उत्पादनका लागि ऊर्जा प्रदान गर्दछ ।