काठमाडौं– कलाकार कथा मोडल सागर लम्साल बलेमाथि अमेरिकामा बस्दै आएको बताउने एकजना युवतीले बलात्कारको आरोप लगाएकी छन् ।

परिवार निकट रहेकाले आफूले दाइ मान्दै आएको व्यक्तिबाट आफू बलात्कृत भएको विष्ट थरकी ती युवतीको आरोप छ ।

ती युवतीका अनुसार यो घटना अमेरिकामै भएको हो । उनले फेसबुकमा लामो पोस्ट गरेर यो घटना सार्वजनिक गरेकी हुन् ।

सागरले आफू बस्ने अपार्टमेन्ट हेर्न लैजाऊ भन्ने आग्रह गरेको र पुगेपछि आफू बलात्कृत भएको उनको दाबी छ ।

मानसिक स्वास्थ्यको कारण आफूले बलात्कार हुँदै गर्दा प्रतिकार गर्न नसकेको ती युवतीको भनाइ छ ।

उनले सागरलाई प्रश्न गरेकी छन्- कसैको जीवन बर्बाद पारेर कस्तो हुँदै छ ?

आफू सानैदेखि मानसिक स्वास्थ्यसँग जुधिरहेकाले यो घटानाले थप जटिल भएको उनको सेयर गरेकी छन् ।

खबरहबले बुझ्दा अहिले ती युवतीसँग सम्पर्क हुन सकेन । उनी निकट साथीका अनुसार अहिले उनी सम्पर्कबाट टाढा छिन् । परिवारले पनि सम्पर्क गर्न सकेको छैन । विष्ट एकजना चर्चित कलाकारकै परिवारकी सदस्य हुन् ।