वासिङ्टन- अमेरिकी राष्ट्रपति डोनाल्ड ट्रम्पले हार्वर्ड विश्वविद्यालयसँग एक अर्ब अमेरिकी डलर क्षतिपूर्ति माग गर्ने घोषणा गरेका छन्।

यो विषय ट्रम्प प्रशासन र हार्वर्ड विश्वविद्यालयबीच जारी टकरावको एक हिस्साका रुपमा बाहिरिएको छ।

न्यूयोर्क टाइम्सले विश्वविद्यालयसँगको वार्ताका क्रममा ट्रम्प प्रशासन आफ्नो २०० मिलियन डलरको मागबाट पछि हट्नुपरेको रिपोर्ट गरेसँगै यो खबर बाहिरिएको हो ।

ट्रम्पले सोमबार राति ‘ट्रुथ सोशल’मा पोस्ट गर्दै उक्त रिपोर्ट उद्धृत गरेर हार्वर्ड विश्वविद्यालयले न्यूयोर्क टाइम्सलाई ‘धेरै बकवास सुनाइरहेको’ आरोप लगाए।

ट्रम्प प्रशासनका अधिकारीहरूले हार्वर्डले प्यालेस्टाइन समर्थक प्रदर्शनका क्रममा भएका यहुदीविरोधी घटनाहरू नियन्त्रण गर्न पर्याप्त कदम नचालेको आरोप लगाएका छन्। विश्वविद्यालयले यी आरोपहरू अस्वीकार गरेको छ।

गत वर्ष अप्रिलमा ट्रम्पले हार्वर्डलाई प्रदान गरिँदै आएको करिब दुई अर्ब डलरको अनुसन्धान अनुदान रद्द गरेका थिए । उनले त्सससँगै संघीय सरकारको अनुदानमा पनि लगाएका थिए।