काठमाडौं- नेपाली कम्युनिस्ट पार्टीका संयोजक पुष्पकमल दाहाल प्रचण्ड सोमबार २४ औँ बोद्ले स्मृति दिवस कार्यक्रममा सहभागी हुन पुगे ।

अन्य कम्युनिस्ट पार्टीका नेताहरू पनि सहभागी उक्त कार्यक्रममा पुगेका प्रचण्डलाई पत्रकारले घेरा हाले ।

काठमाडौंको एक पार्टी प्यालेसमा आयोजित कार्यक्रममा केही पत्रकारमध्ये एकजनाले चर्को स्वरमा प्रचण्डलाई प्रश्न गर्न थाले ।

‘प्रचण्डजी सुन्नुस्न यो जहिले पनि एमाले, कांग्रेस, माओवादी… केही बेर अल्मलिँदै , एमाले, कांग्रेस, माओवादीमा जानु हुन्छ जहिले पनि, तपाईं कहिले स्थिर हुनुहुन्छ ?’

सम्भवत ती पत्रकारको यो प्रश्नले प्रचण्डलाई रिस उठेको हुनसक्छ । त्यसपछि उनी अनुहारो भाव विगार्दै पछाडि फर्किएर जवाफ दिन्छन्, ‘मरेपछि’। त्यसपछि प्रश्न सोध्ने पत्रकार गलल्ल हाँस्न थाल्छन् ।

सोमबार नेकपाले काठमाडौंमा गरेको विचार गोष्ठी तथा सम्मान कार्यक्रमका प्रमण्ड, सहसंयोजक माधवकुमार नेपाल र नेकपा एमालेका महासचिव शंकर पोखरेलसहित सहभागी छन् ।

दोलखाको काटाकुटीस्थित बोद्ले गाउँमा जनयुद्धको समयमा सेनाबाट मारिएका १५ जनाको सम्झना र सम्मानमा प्रत्येक वर्ष साउन १८ गते यो दिवस मनाइन्छ ।