काठमाडौं – डा. कपिल रिजालको निर्देशनमा बनेको फिल्म ‘गौँथली’ले कीर्तिमानी व्यापार गर्न सफल भएको छ । यस वर्षको सर्वाधिक व्यापार गर्ने फिल्मको सूचीमा गौँथली शीर्ष स्थानमा उक्लिएको छ ।

चलचित्र विकास बोर्डका अनुसार साउन १ बाट प्रदर्शनरत यस फिल्मले १७ गतेसम्म १३ करोड ६४ लाख ग्रस कलेक्सन गरेको हो । यस फिल्मका लागि झन्डै पाँच लाख वटा टिकट खरिद-बिक्री भएको छ ।

यससँगै ‘गौँथली’ अलटाइम हिट फिल्मको सूचीको १२ नम्बरमा पर्न सफल भएको छ ।

यसअघि सर्वाकालीन हिट फिल्मको सूचीमा नायक पल शाह स्टारर ‘आबाट आमा’ थियो । यसको ग्रस कलेक्सन १३ करोड २० लाख छ ।

डा. भोला रिजालको कृतिमा बनेको ‘गौँथली’को नायक अरुण क्षेत्री र नायिका सिम्रन खड्का हुन् । निर्देशक रिजाल डा. भोला रिजालका छोरा हुन् ।