काठमाडौँ – पूर्वप्रधानमन्त्री डा. बाबुराम भट्टराईले युवा बाहुल्य नयाँ सरकारलाई सबैलाई एकैपटक खुसी पार्ने प्रयास नगर्न सुझाव दिएका छन् ।

सामाजिक सञ्जाल फेसबुकमार्फत आफ्नो धारणा सार्वजनिक गर्दै डा. भट्टराईले प्रसिद्ध अंग्रेजी भनाइ उद्धृत गर्दै नयाँ सरकारको ध्यानाकर्षण गराएका हुन् ।

“म तिमीलाई सफलताको सूत्र त दिन सक्दिनँ, तर पक्का असफलताको सूत्र चाहिँ दिन सक्छु- त्यो हो, सबैलाई एकैचोटि खुसी पार्ने प्रयत्न गर!” अंग्रेजी भनाइको राख्दै डा. भट्टराईले लेखेका छन् ।

सरकारले सबै पक्षलाई रिझाउन खोज्दा मूल काम र लक्ष्यबाट विचलित भई असफलतातिर धकेलिने जोखिम रहने सङ्केत गर्दै उनले भनेका छन्, “युवा बाहुल्य नयाँ सरकारको बेलैमा ध्यान पुगोस्!”