काठमाडौं- अन्तरप्रदेश चल्ने सार्वजनिक यातायात तथा मालवाहक सवारीसाधनको भाडा दुई प्रतिशतले घटाइएको छ। यातायात व्यवस्था विभागले बिहीबारदेखि लागू हुनेगरी नयाँ भाडादर निर्धारण गरेको हो।

विभागले सूचना जारी गर्दै असार १७ गते मध्यरातिदेखि पेट्रोलियम पदार्थको मूल्य घटेसँगै स्वचालित भाडा समायोजन प्रणालीअनुसार सार्वजनिक तथा मालवाहक सवारीको भाडा दुई प्रतिशतले घटाइएको जनाएको छ।

विभागका अनुसार पछिल्लो पटक भाडादर समायोजन गर्दा डिजेलको औसत मूल्य प्रतिलिटर २३५ रुपैयाँ ८३ पैसा रहेको थियो। नेपाल आयल निगमले इन्धनको मूल्य घटाएपछि असार १७ गतेदेखि डिजेलको औसत मूल्य प्रतिलिटर १९३ रुपैयाँ ८३ पैसा कायम भएकाले सोही आधारमा नयाँ भाडादर लागू गरिएको हो।

यसअघि २०८३ वैशाख १२ गते मन्त्रिस्तरीय निर्णयअनुसार सार्वजनिक तथा मालवाहक सवारीसाधनको भाडा पाँच प्रतिशतले बढाइएको थियो।

नेपाल राष्ट्रिय यातायात व्यवसायी महासङ्घका अध्यक्ष पुण्यप्रसाद सिटौला (सरोज)ले विभागले सार्वजनिक तथा मालवाहक सवारीसाधनको भाडा दुई प्रतिशतले घटाएको जानकारी दिए।