किभ – रुसले युक्रेनका विभिन्न सहरहरूलाई लक्षित गरी गरेको भीषण हवाई आक्रमणमा कम्तीमा १० जनाको मृत्यु भएको छ । पछिल्ला केही महिनायताकै सबैभन्दा ठुलो मानिएको यस आक्रमणमा राजधानी किभसहित विभन्न सहरका गरेर १० जनाको ज्यान गएको बिबिसीले जनाएको छ ।

मङ्गलवार बिहान सबेरै भएका ती हवाई आक्रमणमा परी कैयौँ बालबालिकासहित दर्जनौँ मानिस घाइते भएका छन् । आक्रमणबाट कतिपय आवासीय भवन भत्किएका छन् भने किभमा भग्नावशेषभित्र थुनिएका हुन सक्ने मानिसको उद्धारका लागि आपत्कालीन टोलीहरू प्रयासरत छन् ।

मङ्गलवार बिहानै युक्रेनका अधिकांश क्षेत्रमा हवाई आक्रमणको चेतावनी जारी गरिएको थियो ।

गत महिना युक्रेनको नियन्त्रणमा रहेको लुहान्स्क क्षेत्रको एक छात्रावासमा भएको ड्रोन आक्रमणमा २१ जनाको मृत्यु भएपछि मस्कोले त्यसको बदलास्वरूप युक्रेनमा आक्रमण गर्ने चेतावनी दिएको थियो ।

आक्रमणपछि राजधानी किभको केन्द्रभागबाट धुवाँको ठुलो मुस्लो उडिरहेको देखिएको छ ।