काठमाडौं – इन्डियन प्रिमियर लिग (आईपीएल) अन्तर्गत शनिबार चेन्नई सुपर किंग्स र मुम्बई इन्डियन्स बीच प्रतिस्पर्धा भइरहेको छ। एमए चिदम्बरम स्टेडियममा मुम्बईका कप्तान हार्दिक पाण्ड्याले टस जितेर ब्याटिङ रोजेका हुन् ।

मुम्बईले १५ ओभरको समाप्तिमा ४ विकेट गुमाउँदै १२० रन बनाएको छ। अहिले नमन धिर र कप्तान पाण्ड्या क्रिजमा छन् ।

१३औं ओभरको पाँचौँ बलमा ५ रन बनाएका तिलक वर्मालाई नूर अहमदले कप्तान ऋतुराज गायकवाडको हातबाट क्याच आउट गराए । अहमदले यसअघि ३७ रन बनाएका रायन रिकेल्टनलाई पनि पेभिलियन फर्काएका थिए ।

११औं ओभरको चौथो बलमा डेब्यु खेल खेलिरहेका रामकृष्ण घोषले सूर्यकुमार यादव लाई २९ रनमा डेवाल्ड ब्रेविसको हातबाट क्याच आउट गराए । विल ज्याक्सलाई अंशुल कम्बोजले १ रनमाआउट गरेका थिए।

टोलीहरूको प्लेइङ–११

चेन्नई सुपर किंग्स
ऋतुराज गायकवाड (कप्तान), सञ्जु सैमसन (विकेटकिपर), उर्विल पटेल, डेवाल्ड ब्रेविस, शिवम दुबे, जेमी ओभर्टन, रामकृष्ण घोष, प्रशान्त वीर, नूर अहमद, अंशुल कम्बोज र मुकेश चौधरी।

मुम्बई इन्डियन्स
रायन रिकेल्टन, विल ज्याक्स, सूर्यकुमार यादव, नमन धिर, तिलक वर्मा, हार्दिक पाण्ड्या (कप्तान), रोबिन मिन्ज, ट्रेन्ट बोल्ट, कृष भगत, जसप्रित बुमराह र अल्लाह गजनफर।