काठमाडौं- राष्ट्रिय स्वतन्त्र पार्टीका सभापति रवि लामिछानेले दलित समुदायसँग सार्वजनिक क्षमा याचना मागेका छन् । प्रतिनिधिसभा बैठकमा बोल्ने क्रममा आज उनले आजसम्म भएका विभेद र अन्यायको विषयमा हात जोडेर माफी मागेका हुन् ।

सरकारको तर्फबाट सार्वजनिक रुपमा प्रतिनिधि सभामै पार्टी अध्यक्ष लामिछानेले प्रधानमन्त्री सहित आफूले क्षमा याचना मागेको उल्लेख गरे ।

‘म देशको दलित समुदायलाई सार्वजनिक क्षमा याचना सहित केही भन्नु छ । यो सरकार शताब्दीदेखिको विभेदको अन्यायको अत्याचारको इतिहाससँग पहिलो पटक सामूहिक र सार्वजनिक रुपले माफी माग्दैछ ।’ लामिछानेले हात जोड्दै भने, ‘आजसम्मको विभेद सामाजिक गल्ती थिएन, सांगठनिक अपराध थियो । जसका हातमा सिप थियो तिनलाई हामीले अछुतो मान्यौं । अब कुनै पनि नेपाली जातका नाममा झुक्नुपर्ने छैन ।’