कुवेत- अमेरिकी सेनाको सेन्ट्रल कमान्डले कुवेतले आफ्ना तीनवटा फाइटर जेट खसालिदिएको जनाएको छ।

संयुक्त अमेरिकी सेनाको कतारस्थित सेन्ट्रल कमान्डले सोमबार कुवेतको हवाई सुरक्षा प्रणालीले गल्तीले तीन अमेरिकी एफ-१५ई स्ट्राइक इगल लडाकु विमान खसालेको पुष्टि गरेको छ।

तर ती फाइटर जेटका सबै छ जना चालकले सफलतापूर्वक इजेक्शन गरेर बाँच्न सफल भएका छन्। उनीहरू सुरक्षित रूपमा उद्धार गरिएका छन् ।

हाल सबैजना स्थिर अवस्थामा रहेका अमेरिकी सेनाले जनाएको छ। सेन्टकमले कुवेतलाई यस घटनापछि अपरेशनमा सहयोगका लागि धन्यवाद दिएको छ।

घटनाको कारणको अनुसन्धान जारी रहेको सेन्टकमले जनाएको छ । स्थानीय बासिन्दाहरूले घटनास्थलमा पुग्दा विमान र चालक अमेरिकी रहेको पुष्टि गरेका छन्।