रामेछाप – रामेछाप नगरपालिका–२ देउराली स्वामिडाँडामा चुनावका लागि मतपेटिकासहितको सामग्री बोकेको गाडी दुर्घटनामा परेको छ।
ना ४ ख ६७/६८ नम्बरको उक्त गाडी मन्थलीबाट रामेछाप–२ र ३ का मतदान केन्द्रका लागि निर्वाचन सामग्री लिएर जाँदै गर्दा दुर्घटनामा परेको हो। गाडीमा कर्मचारी र सुरक्षाकर्मी सवार रहेको प्रहरीले जनाएको छ।
जिल्ला प्रहरीका अनुसार गाडी देउराली सिरुबारी क्षेत्रको भीरमा खसेको हो।
दुर्घटनामा मानवीय क्षति भएको वा नभएकोबारे विस्तृत विवरण आउन बाँकी रहेको प्रहरीले जनाएको छ। उद्धार तथा थप विवरण संकलनको काम भइरहेको बताइएको छ।
प्रतिक्रिया