काठमाडौं– फागुन २१ हुने प्रतिनिधिसभा सदस्य निर्वाचनलाई लक्षित गर्दै चिकित्सा विज्ञान राष्ट्रिय प्रतिष्ठान वीर अस्पतालले स्वास्थ्य आपतकालीन समिति गठन गरेको छ । 

अस्पतालका आकस्मिक विभागका विभागीय प्रमुख डा. सुरेश प्रसाद नेपालको संयोजकत्वमा रहेको सो टोलीमा २४ जना चिकित्सक, अस्पताल नरसिङ्ग प्रमुख र फार्मेसी प्रमुख गरी २६ जना रहने अस्पतालले जनाएको छ । 

निर्वाचन अवधीमा हुनसक्ने घटनाबाट आइपर्ने स्वास्थ्य आपतकाल व्यवस्थापन गर्नको लागि केन्द्रिय अस्पताल भएकाले पूर्व तयारी स्वरुप यो समिति गठन गरिएको वीर अस्पतालका निर्देशक प्रा.डा दिलिप शर्माले जानकारी दिए ।

टोलीमा डा.मीन चन्द्र अधिकारी, डा. विनोद श्रेष्ठ, डा. अनिष जोशी, प्र.अ.न. सीता श्रेष्ठ, डा.सुधायु के.सी र डा. ऋतु प्रधान लगायत २६ जना सदस्य रहेका छन् ।