इरान – इरानमा बढ्दो महँगीविरुद्ध जारी विरोध प्रदर्शन रोकिएको छैन। स्थानीय सञ्चारमाध्यमका अनुसार लोरेस्तान प्रान्तमा बिहीबार भएको प्रदर्शनका क्रममा तीन जनाको मृत्यु भएको थियो ।
प्रदर्शनका क्रममा आगजनीका घटनाहरू पनि देखिएका छन्। बीबीसी फारसी सेवाले सार्वजनिक गरेका तस्बिरहरूमा प्रदर्शनकारीहरूले शहरको केन्द्रीय प्रहरी कार्यालयअगाडि आगो लगाइरहेको देखिन्छ।
इरानी सञ्चारमाध्यमहरूका अनुसार प्रदर्शनका क्रममा एक प्रहरी मुख्यालयमाथि आक्रमण भएको थियो। उक्त घटनामा तीन जनाको मृत्यु हुनुका साथै १७ जना घाइते भएका छन्।
प्रदर्शनकारीहरूलाई तितरबितर पार्न प्रहरीले अश्रुग्यास र गोली चलाएको बताइएको छ।
प्रतिक्रिया