काठमाडौं– न्याय सेवा आयोगले नेपाल न्याय सेवाका विभिन्न श्रेणीका अधिकृत कर्मचारीहरूको सरुवा, नियुक्ति तथा पदस्थापन सिफारिस गरेको छ । 

आयोगको असोज १४ गतेको बैठकको निर्णयअनुसार न्याय सेवाका राजपत्राङ्कित प्रथम र द्वितीय श्रेणीका अधिकृतहरूलाई विभिन्न निकाय, मन्त्रालय, आयोग, प्रदेश र अदालतहरूमा सरुवा तथा पदस्थापनको सिफारिस गरिएको हो ।

नेपाल न्याय सेवा, कानून समूहका राजपत्राङ्कित प्रथम श्रेणी (सहसचिव वा सो सरह) का ११ जना अधिकृतहरूको सरुवा सिफारिस गरिएको छ । 

आयोगले न्याय सेवा, कानून समूहका राजपत्राङ्कित द्वितीय श्रेणी (उपसचिव वा सो सरह) का ४३ जना अधिकृतहरूको पनि विभिन्न मन्त्रालय, विभाग तथा प्रदेशस्तरीय निकायहरूमा सरुवा सिफारिस गरेको छ ।

त्यस्तै, आयोगले राजपत्राङ्कित द्वितीय श्रेणी (उपसचिव वा सो सरह) को पदमा नयाँ नियुक्ति पाएका विभिन्न समूहका अधिकृतहरूको पदस्थापन सिफारिस समेत गरेको छ ।