काठमाडौं – गत बुधबारको रसुवा बाढीका कारण विभिन्न जलविद्युत् आयोजनाको ‘सुरुङमा फसेका प्राविधिक-मजदुरको उद्धारमा विदेशी सहयोग लिन ढिलाइ गरेको आरोपबारे प्रधानमन्त्री वालेन्द्र शाहले संसद्बबाट जवाफ दिएका छन्।

सरकारले विदेशी दक्ष प्राविधि ल्याएन’, ‘उद्धारमा ढिलाइ गर्‍यो’ र ‘दक्ष प्राविधिकको अभावले मानवीय क्षति बढी भयो’ भन्ने आलोचनालाई सम्बोधन गर्दै उनले त्यस्तो नभएको उल्लेख गरेका छन्।

सामाजिक सञ्जाल र सञ्चारमाध्यमबाट भइरहेको उक्त टिप्पणीलाई अस्वीकार गरेका उनले पीडित-प्रभावितको अधिकारलाई सरकारले सुनिश्चित गरेको कुरा संसद्मा सुनाए ।

उनले सुरुवातदेखि नै विदेशी सहायताका लागि विभिन्न मुलुकसँग समन्वय गरेको दाबी गरे । फास्ट ट्र्याकमा विदेशी सहयोग भित्र्याउन प्रक्रियागत सुधारमा सरकार लागेको उनले संसद्लाई जानकारी गराए ।

उनले भने, ‘उद्धारका लागि विदेशी सहयोग सन्दर्भमा यदि ठूलो विपद् पर्दा हामीले अन्तर्राष्ट्रिय सहयोग नलिने भन्ने कुरा नै आउँदैन । प्रभावित क्षेत्रमा आवश्यकता अनुसार सहयोग लिन सुरुवातदेखि नै हामीले अन्तर्राष्ट्रिय मुलुकसँग समन्वय गरेका थियौं । प्रक्रियासमेत छोट्याएर हामीले अन्तर्राष्ट्रिय सहयोग लिने प्रयास गरेका थियौं ।’

भदौ १० गतेको बाढीलगत्तै दक्ष प्राविधिकको अभावले मानवीय क्षति धेरै भएको टिप्पणीबीच वालेन्द्र सरकारको बचाउ गरेका हुन्।