काठमाडौं– नेपाली कांग्रेस संसदीय दलका नेता भीष्मराज आङ्देम्बेले अन्तर्राष्ट्रिय तथा निजी क्षेत्रको सहयोग ढिलो लिँदा रसुवा बाढीपछि सुरुङमा फसेकाहरूको खोज तथा उद्धारमा ढिलाइ भएको बताएका छन् ।

बुधारबा प्रतिनिधिसभा बैठकमा बोल्दै आङ्देम्बेले विपत्तिको समयमा कांग्रेसको सम्पूर्ण संगठन र शक्ति फिल्डमै परिचालित रहेको बताए । 

उनले आफू र पार्टी सभापति गगन थापा बाढी प्रभावित क्षेत्रमा पुगेर अवस्थाबारे जानकारी लिएको समेत उल्लेख गरे ।

सुरुङभित्र फसेकाहरूको खोज तथा उद्धारमा भएको ढिलाइप्रति प्रश्न उठाउँदै उनले सम्बन्धित क्षेत्रका विज्ञलाई तत्काल परिचालन गर्नुपर्ने बताए । निजी तथा अन्तर्राष्ट्रिय सहयोग समयमै नलिँदा उद्धारमा ढिलाइ भएको हुन सक्ने उनको भनाइ थियो ।

प्रधानमन्त्रीले संसद्को रोस्टमबाट अवस्था राम्रो रहेको बताए पनि फिल्डमा भने त्यस्तो अवस्था नरहेको आङ्देम्बेले दाबी गरे । 

उनले गृहमन्त्री सुधन गुरुङले सुरुङमार्गमा माटो खोस्रिने काम गरेको विषयमा समेत आलोचना गरेका छन्।