काठमाडौं– प्रधानमन्त्री वालेन्द्र शाहले देशमा आएको विपत्तिसँग लड्ने विकल्प नभएको बताएका छन् । 

बुधबार संसदमा बोल्दै उनले आफ्नो मान्छे बाढीबाट गुमाएर पीडामा रहेका परिवारप्रति समवेदना व्यक्त गर्दै आफ्नो मान्छे फेला नपरेर बाटो हेरिरहेकासँग आफूले पनि गहिरो दुख महसुस गरेको बताए ।

यो पीडा रसुवा, नुवाकोट र धादिङको मात्रै होइन, सिङ्गो नेपालको छातीमा परेको साझा बज्रपात हो’, उनले भने, ‘तर, यति बेला हामीलाई शरीर थकित भयो भनेर विश्राम लिने छुट छैन, मन भक्कानिँदा पनि एकआपसमा बिलौना गर्ने समय छैन, संकटको यो घडीमा देशको नेतृत्वले आँसु होइन, जनतालाई हिम्मत, आड भरोसा दिनुपर्छ भन्ने यथार्थलाई हामीले स्वीकार गर्छौँ ।’

‘त्यसैले दृढ संकल्पकासाथ विपत्तिमा लड्नुको हामीसँग विकल्प छैन, हामी लडिरहेका छौँ’, उनले थपे ।