काठमाडौं – केन्द्रको सत्ता समीकरणमा आएको परिवर्तनसँगै गण्डकी प्रदेश सरकारमा पनि मन्त्रिपरिषद् पुनर्गठन भएको छ ।
मुख्यमन्त्री सुरेन्द्रराज पाण्डेले नेपाल समाजवादी पार्टीका सांसद फणिन्द्र देवकोटालाई पुनः ऊर्जा, जलस्रोत तथा खानेपानी मन्त्री बनाएका छन्।
यसअघि ऊर्जा मन्त्रालय सम्हालिरहेका नन्दप्रसाद न्यौपानेलाई भौतिक पूर्वाधार तथा यातायात व्यवस्था मन्त्रालयको जिम्मेवारी दिइएको छ। केन्द्रमा एमाले र नेकपाबीच सहमति बनेपछि गण्डकीका एमालेका चार मन्त्रीले १० भदौमा राजीनामा दिएका थिए।
एमालेले छाडेका मन्त्रालय मुख्यमन्त्री पाण्डेले आफैसँग राखेका थिए। देवकोटाले यसअघि जेन-जी आन्दोलनका क्रममा भएको जनधनको क्षतिपछि मन्त्री पदबाट राजीनामा दिएका थिए।
प्रतिक्रिया