काठमाडौँ – छिमेकी मुलुक भारतले नेपालमा जारी खोज, उद्धार तथा राहत कार्यका लागि पाँचौँ सैन्य विमान पठाएको छ ।

भारतीय विदेशमन्त्री डा. एस. जयशंकरले ट्वीट (एक्स) मार्फत भारतबाट राहत सामग्रीसहितको पाँचौँ विमान नेपालका लागि प्रस्थान गरेको जानकारी दिएका हुन् ।

विदेशमन्त्री जयशंकरका अनुसार भारतीय वायुसेनाको उक्त विमानमा ११ जना विज्ञ सम्मिलित उद्धार टोली, अत्याधुनिक खोज तथा उद्धार उपकरण र ५.५ टन अत्यावश्यक औषधि पठाइएको छ ।

नेपालको भोटेकोशीमा आएको भीषण विपद्पछि भारतीय राहत संयन्त्रले उद्धार र राहत सामग्री ढुवानीलाई तीव्रता दिएको छ ।

विमानस्थलमा राहत सामग्री तथा उद्धार टोली ओराल्ने र स्थानीय तहसम्म पुर्‍याउनका लागि समन्वय भइरहेको छ । यसअघि पनि भारतले उद्धार टोली, राहत सामग्री तथा चिकित्सकीय टोली विभिन्न विमानमार्फत नेपाल पठाइसकेको छ ।