काठमाडौं- डाइनामिक एजुकेसन एसोसिएसन (डिन) को आयोजनामा काठमाडौंमा अन्तर–विद्यालय क्विज प्रतियोगिता सम्पन्न भएको छ।

विद्यार्थीहरूको बौद्धिक क्षमता, तार्किक सोच, सामान्य ज्ञान र आत्मविश्वास अभिवृद्धि गर्ने उद्देश्यले आयोजित प्रतियोगितामा २० विद्यालयका विद्यार्थी सहभागी भएका थिए।

प्रतियोगितामा माउन्ट सेब सेकेन्डरी स्कुल प्रथम, लालीगुराँस बाटिका सेकेन्डरी स्कुल द्वितीय, क्रिएसन एकेडेमी तृतीय, नवज्योति सेकेन्डरी स्कुल चतुर्थ, ज्ञानमाला इङ्ग्लिस हाई स्कुल पाँचौँ र सुभाष गुरुकुल नेशनल एकेडेमी छैटौँ भएका छन्। विजयी विद्यालयलाई ट्रफी, मेडल र प्रमाणपत्र प्रदान गरिएको थियो।

कार्यक्रमका वक्ताहरूले यस्ता प्रतियोगिताले विद्यार्थीको ज्ञान, नेतृत्व क्षमता, आत्मविश्वास र स्वस्थ प्रतिस्पर्धात्मक भावना विकास गर्न महत्वपूर्ण योगदान पुग्ने बताएका थिए। आयोजकले आगामी दिनमा पनि यस्ता शैक्षिक कार्यक्रमलाई निरन्तरता दिने प्रतिबद्धता जनाएको छ।