काठमाडौं– परराष्ट्रमन्त्री शिशिर खनालसँग संयुक्त राज्य अमेरिकाका सार्वजनिक कूटनीतिसम्बन्धी उपविदेशमन्त्री सारा बी रोजर्सले आज मन्त्रालयमा शिष्टाचार भेटवार्ता गरेका छन् ।
भेटका क्रममा नेपाल र अमेरिकाबीच सात दशकभन्दा लामो समयदेखि रहँदै आएको मैत्रीपूर्ण सम्बन्धलाई थप सुदृढ बनाउने विषयमा छलफल भएको परराष्ट्र मन्त्रालयले जनाएको छ।
मन्त्रालयका अनुसार दुवै पक्षले द्विपक्षीय सम्बन्धका विविध आयामका साथै लगानी, व्यापार, संस्कृति र पर्यटन क्षेत्रमा सहकार्य विस्तार गर्ने विषयमा विचारविमर्श गरेका थिए ।
भेटमा नेपाल–अमेरिका सम्बन्धलाई आपसी हित र सम्मानका आधारमा अझ प्रभावकारी बनाउने तथा विभिन्न क्षेत्रमा साझेदारी अभिवृद्धि गर्ने विषयमा समेत छलफल भएको जनाइएको छ।
प्रतिक्रिया