जयपुर – इन्डियन प्रिमियर लिग (आईपीएल) अन्तर्गत अहिले भइरहेको खेलमा राजस्थान रोयल्सले दिल्ली क्यापिटल्सलाई २२६ रनको लक्ष्य प्रस्तुत गरेको छ ।

सवाई मानसिंह स्टेडियममा भएको खेलमा राजस्थानका कप्तान रियान पारागले टस जितेर पहिले ब्याटिङ रोजेका थिए ।

घरेलु टोली राजस्थानले निर्धारित २० ओभरमा ६ विकेट गुमाउँदै २२५ रन बनायो। जवाफी ब्याटिङमा दिल्लीले ५ ओभरमा बिना विकेट क्षति ५९ रन बनाइसकेको छ। अहिले पाथुम निसांका र केएल राहुल क्रिजमा रहेका छन् ।

राजस्थानका लागि कप्तान रियान पारागले उत्कृष्ट प्रदर्शन गर्दै ९० रनको पारी खेले । उनले ५० बलमा ८ चौका र ५ छक्का प्रहार गरे । पारागले ध्रुव जुरेलसँग शतकीय साझेदारी गरेका थिए। जुरेलले ४२ रन जोडे ।

खेलको अन्तिमतिर डोनोवान फरेराले विस्फोटक ब्याटिङ गर्दै १४ बलमा ६ छक्कासहित अविजित ४७ रन बनाए ।

दिल्लीका बलरमध्ये मिचेल स्टार्कले ३ विकेट लिए । साथै काइल जैमिसन, अक्षर पटेल र टी नटराजनले एक–एक विकेट लिए।