काठमाडौं – यो वर्षको सुवातमा प्रदर्शनमा आएको फिल्म ‘महाभोज’को आर्थिक विवाद चैतमा आएर उजागर भएको छ ।
वितरक कम्पनी ‘काफिया फिल्मस्’का सञ्चालक गोबिन्द शाही र निर्माता हिमाल कडरियाबीचको आर्थिक लेनदेनको विवाद नेपाल चलचित्र निर्माता संघको पत्रले बाहिर ल्याएको हो ।
निर्माता कडरिया सम्झौताअनुसारको ३८ लाख १८ हजार नदिइ सम्पर्कविहीन भएको भन्दै वितरक शाहीले संघमा उजुरी गरेका थिए ।
यही विषयमा छलफल गर्नका लागि कडरियालाई संघले लेखेको पत्र सार्वजनिक भएको हो ।
संघले कडरियालाई फागुन २८ गते पत्र काटेर चैत ३ सम्म न्यायिक समितिको बैठकमा उपस्थित हुन भनेका थियो । चैत १८ गते पुग्दासम्म उनी सम्पर्कविहीन भएका छन् ।
वितरक शाही भन्छन्, ‘अहिले त निर्माता संघसँग पनि सम्पर्कबाट ऊ बाहिरिएको कुरा सुनेको छु ।’
कडरिया अहिले अस्ट्रेलियामा बस्दै आएका छन् ।
पत्र :
प्रतिक्रिया