कुवेत- इरानको आक्रमणमा कुवेतमा पनि एकजनाको ज्यान गएको छ।

कुवेतको स्वास्थ्य मन्त्रालयले क्षेत्रीय परिस्थितिका कारण भएको आक्रमणमा एकजनाको मृत्यु र ३२ जना घाइते भएको जनाएको छ। घाइतेहरूको अल–अदान अस्पतालमा उपचार भइरहेको मन्त्रालयले जनाएको छ।

जारी वक्तव्यअनुसार शनिबार बिहानदेखि यूएई वायुसेना र हवाई प्रतिरक्षा बलले १६५ ब्यालिस्टिक मिसाइल, दुई क्रुज मिसाइल र ५४१ ड्रोनको सामना गरेको छ।

तीमध्ये १५२ ब्यालिस्टिक मिसाइल नष्ट गरिएका, १३ समुद्रमा खसेका र दुवै क्रुज मिसाइल पत्ता लगाई नष्ट गरिएको उल्लेख गरिएको छ।

यसैबीच संयुक्त अरब इमिरेट्समा शनिबार र आइतबार भएका इरानी आक्रमणमा तीन जनाको मृत्यु र ५८ जना सामान्य रूपमा घाइते भएको त्यहाँको रक्षा मन्त्रालयले आइतबार दिउँसो जानकारी दिएको थियो।