तेलअभिभ- इजरायलको बेइत शेमेश सहरमा इरानले गरेको ब्यालिस्टिक मिसाइल आक्रमणमा ज्यान गुमाउनेको संख्या ८ पुगेको छ।

इजरायली आपतकालीन सेवाका अनुसार कम्तीमा २७ जना घाइते भएका छन्, जसमा दुई जनाको अवस्था गम्भीर रहेको बताइएको छ।

मिसाइल आवासीय क्षेत्रमा खसेपछि ठूलो क्षति भएको जनाइएको छ। उद्धार तथा खोजी टोली, चिकित्सक तथा हेलिकोप्टर घटनास्थलमा परिचालित छन्। बेइत शेमेश, यरुशलमबाट करिब ३० किलोमिटर पश्चिममा पर्छ।

अलजजिराका अनुसार उक्त आक्रमणमा कम्तीमा ८ जनाको मृत्यु र करिब २७ जना घाइते भएको उल्लेख गरिएको छ।

कुवेत ९७ मिसाइल र २८३ ड्रोन प्रहार

यसैबीच कुवैतको रक्षा मन्त्रालयले इरानले आफ्नो देशमाथि ९७ ब्यालिस्टिक मिसाइल र २८३ ड्रोन प्रहार गरेको जनाएको छ।

कुवेती वायुसेनाले धेरै मिसाइल र ड्रोन अवरोध गरी नष्ट गरेको दाबी गरेको छ। तर केही स्थानमा खसेको भग्नावशेषका कारण भौतिक क्षति र घाइते भएको खबर आएको छ।